साई गुरुकुल एकाडमी पाकिमले मनायो परम्परागत पोशाक उत्सव-2024 ।
पाकिम जिल्लाको नाम्चेबुङमा स्थापित साई गुरुकुल स्कुलले आज विद्यालयमा “परम्परागत पोशाक उत्सव” सम्पन्न गर्यो । विगतका वर्षमा राज्य दिवसलाई लक्षित गरी विद्यालयले मनाउँदै आएको यो कार्यक्रम यस वर्ष कारणवश केहिदिन पछि आयोजना गरिएको विद्यालयकी प्रधानाध्यापिका मणिता ढकालले बताईन् ।
साई संस्थाका वेदा संयोजक मदन राईको मुख्य आतिथ्यमा सुरु भएको “परम्परागत भेषभूषा उत्सव” मा विद्यालय व्यवस्थापन समितिका पदाधिकारीगण, अभिभावक, शिक्षक शिक्षिका, विद्यार्थी लगायतको बाक्लो सहभागिता रहेको थियो I
बालबालिकाहरूमा जातिय परम्परा, भाषा, साहित्य र
संस्कृतिको ज्ञान हुनु अनिवार्य रहन्छ र यस प्रकारको कार्यक्रम विद्यालय स्तरमा आयोजना गरिनु साई गुरुकुल एकाडमी पाकिमका विद्यार्थीका निम्ति उज्ज्वल भविष्य निर्माणमा टेवा पुग्ने विश्वास व्यक्त गरे मुख्य अतिथिले
प्रधानाध्यापिका मनिता ढकालले बताइन् आगामी शैक्षिक सत्रमा अभिभावक हरुसंग हातेमालो गरेर अझै रोचक कार्यक्रमहरु आयोजना गर्ने पनि उपस्थित जमातलाई बताईन् ।
विद्यालय भित्र हुने अतिरिक्त क्रियाकलाप मध्ये खानपान, रहनसहनको ज्ञान दिने एउटा विषयको रुपमा अध्ययन गराउने हेतुले हरेक महिना यस प्रकारका परम्परागत मान्यता दिने र संस्कृति झल्किने कार्यक्रमको आयोजना गरिने पनि ढकालले जानकारी दिइन् ।
कार्यक्रममा नर्सरी देखि कक्षा दस सम्मका विद्यार्थीहरु सास्कृतिक नृत्य एवं गायन प्रस्तुत गरेका थिए ।
मोबाइलका कारण विद्यार्थीहरुमा नकारात्मक असर पर्ने र विद्यार्थीले मोबाइल फोन प्रयोग नगर्न मुख्य अतिथिले आग्रह गरे।
मानव कल्याणका निम्ति राम्रा कामहरु गर्नु नै मानव भएर जन्मनुको सार्थकता हुनजान्छ भन्दै
विद्यालय स्तरमा यस प्रकारका कार्यक्रमहरुले साच्चै नै
विद्यार्थीको स्थर उन्नति हुने मुख्य अतिथि राईले बताए ।
