नवनिर्वाचित लोकसभा सांसद डा. इन्द्रहाङ सुब्बाले गरे राज्यपाल श्री लक्ष्मणप्रसाद आचार्यसित भेट ।
पहिलो कार्यकालमा उहाँको मार्गदर्शनको लागि धन्यवाद दिनका साथै दोस्रो कार्यकालको लागि मागे आशीर्वाद।
सिक्किमका नवनिर्वाचित लोकसभा सांसद डा0 इन्द्रहाङ सुब्बाले आज सिक्किम राज्यका माननीय राज्यपाल श्री लक्ष्मणप्रसाद आचार्यलाई सिक्किम हाउस, नयाँ दिल्लीमा भेट गरेका छन्। माननीय राज्यपाल राष्ट्रपति भवनमा माननीय प्रधानमन्त्री श्री नरेन्द्र मोदीको शपथ ग्रहण समारोहमा सहभागी हुन दिल्लीमा रहनुभएको समय सांसद सुब्बाले भेट गरेका हुन्। यो भेटको क्रममा सांसद सुब्बाले माननीय राज्यपाललाई हाम्रो पहिलो कार्यकालमा उहाँको मार्गदर्शनको लागि धन्यवाद दिनका साथै दोस्रो कार्यकालको लागि आशीर्वाद लिएको आफ्नो सामाजिक सञ्जाल पृष्ठमा उल्लेख गरेका छन्। माननीय राज्यपालले आफुलाई प्रोत्साहित गर्नुभएकोमा आफु धेरै आभारी रहेको कुरा सांसद सुब्बाले साझा गरेका छन्।
