पाकिम जील्ला स्तरीय २१० औं भानु जयन्ती आज पाकिम स्थित सन्त जेवियर पाठशालाको प्रेक्षागृहमा सम्पन्न भयो।
पाकिम बजार छेउमा रहेको सामुदायिक भवनको प्राङ्गणमा अवस्थित बाटिकामा रहेको आदिकविको सालिकमा माल्यार्पण गरे पश्चात विभिन्न सांस्कृतिक झाँकी सहितको शोभायात्रा सन्त जेवियर पाठशालाको प्रेक्षालयमा आएर स्थगन गरिएको थियो।
कार्यक्रम सिक्किम प्रतिभा प्रतिष्ठान पाकिमको तत्वावधानमा सम्पन्न भएको थियो।
सिक्किम एकाडेमीका अध्यक्ष एस• आर• सुब्बा ‘खेजुम’ को सभाध्यक्षतामा सुरु भएको कार्यक्रममा
यस अवधि नाम्चेबुङ समष्टिका विधायक तथा शिक्षा मन्त्री श्री राजु बस्नेत मुख्य अतिथि थिए भने विशिष्ट अतिथिहरुमा नाथाङ माछोङ समष्टि विधायिका श्रीमती पामिन लेप्चा, पाकिमका जिल्लापाल, अतिरिक्त जिल्लापाल, खण्ड विकास अधिकारी आदि रहेका थिए।
जिल्ला स्तरीय कार्यक्रम रहेका जिल्ला भित्रका विभिन्न विभागीय पदाधिकारी , विद्यालयलाई प्रतिनिधित्व गरेर आउने विद्यार्थी तथा शिक्षक शिक्षिकागण एवम् साहित्यप्रेमी, भाषाप्रेमी आदिको बाक्लो उपस्थिति रहेको थियो।
यसै क्रममा साहित्यिक व्यक्तित्व डि आर गुरुङ, टि पि सिंह, टेक बहादुर संकर जस्ता पाकिमेली साहित्यकार कृत विभिन्न पुस्तकहरुको लोकार्पण पनि गरियो।
कार्यक्रममा रामायण पाठ, कविता वाचन, नृत्य तथा लोकगीत गायन, तर्क प्रतियोगिता सम्पन्न भएका थिए।
कार्यक्रम अवधि सभाध्यक्षको सम्बोधनमा श्री एस आर सुब्बा ‘खेजुम’-ले जातिय पहिचान र पोशाकका महत्व बारे जोड़ दिए । आफ्नोपनमा खुशी हुन जान्नु र आफ्नोपन अपनाउन पनि उनले अनुराेध गरे ।
“आजको वैज्ञानिक र तकनीकी विकास प्राकृतिक प्रकोपको मुख्य कारण हो वा होईन” शिर्षकमा सम्पन्न तर्क प्रतियोगितामा दिक्लिङ बरिष्ठ माध्यमिक विद्यालय र मामरिङ उच्चतर माध्यामिक विद्यालयका विद्यार्थीहरुले तड्कारो तर्क प्रस्तुत गरेका थिए ।
मामरिङ बरिष्ठ माध्यामिक विद्यालयले उत्कृष्ट तर्क प्रस्तुत गर्दै यस तर्क प्रतियोगिताको खिताब जीत्न सफल भएको थियो भने मामरिङ कै विद्यार्थी समिक्षा शर्मा तर्क प्रतियोगितामा उत्कृष्ट व्यक्ताका रुपमा चुनिएकी थिइन् ।
कार्यक्रममा सिक्किम प्रतिभा प्रतिष्ठान पाकिमका साहित्यिक सचिव श्री ज्ञानेन्द्र अधिकारीले स्वागत सम्बोधन राखेका थिए भने प्रतिष्ठानका महासचिव श्री डी आर गुरुङले धन्यवाद ज्ञापन पस्केका थिए ।
मुख्यतया आजको सम्पूर्ण कार्यक्रमको संचालन प्रतिष्ठानका समन्वयक श्री सी एल दुलालले गरेका थिए ।
