मामरिङ चालक संगठनद्वारा जनचेतनामुलक कार्यक्रमको आयोजना।
मामरिङ मेनलाइन र टेक्सी ड्राइवर एवम् मालिक कल्याण संगठनको आयोजनामा आज मामरिङ बरिष्ठ माध्यामिक विद्यालयको प्राङ्गणमा आज एक जन चेतनामूलक कार्यक्रमको आयोजना गरीएको थियो ।
कार्यक्रममा मुख्यतः मानसिक स्वास्थ्यबारे डाक्टर विद्युत राईले जनचेतनामुलक सन्देश प्रवाह गरेका थिए ।
पाकिम बन विभागीय सामाजिक बन अधिकृत बालकृष्ण धमालाले पर्यावरणको संरक्षण र संवर्द्धनका निम्ति सम्पूर्ण नागरिकहरु अघि बढ्ने आव्हान गरे ।
जलवायु परिवर्तनको असर र रोकथामका उपायहरू अपनाउन जरुरी रहेको पनि उनले थपे
मोटरभ्याकल डिभिजन पाकिमका आर टी ओ ले मोटरभ्याकल एक्ट एवम् रोड सेफ्टी बारे जानकारी गराए ।
पाकिम पुलिस विभागका स्टेशन प्रमुख अधिकारी (SHO) प्रदिप छेत्रीले लागुऔषध दुरुपयोग र यसको रोकथामबारे उपस्थित सम्पूर्णलाई जानकारी गराए ।
मुख्य अतिथि डाक्टर सुभद्रा दंगालले संगठनले यस्तो उत्कृष्ट कार्य सम्पादन गर्न सक्षम बनेको भन्दै मामरिङ टेक्सी चालक एवम् मालिक कल्याण संघलाई बधाई एवम् आभार प्रकट गरिन् ।
दिपप्रज्वलन सहित विधिवत श्रीगणेश गरिएको कार्यक्रममा संगठनका सदस्य हेमराज काफ्लेले स्वागत सम्बोधन राखेका थिए भने संगठन सचिव उदय राईद्वारा संगठनको प्रतिवेदन प्रस्तुत गरिएको थियो । यस्तै प्रकारले कार्यक्रममा श्री हेमन्त लुइँटेलले धन्यवाद ज्ञापन पस्केका थिए। आजको सम्पूर्ण कार्यक्रमको संचालन अम्बा मामरिङ बहुउद्देश्यीय सहकारी संस्थाका म्यानेजर दुर्गा प्रसाद बास्तोलाले गरेका थिए ।
