News Pratibeemba

नेपाली साहित्य परिषद् सिक्किमले शुक्रवार पूर्व सिक्किमको रिनाकमा प्रथम साहित्य कला संगम कार्यक्रम आयोजन गरेर सिक्किमेली साहित्यका शिखर पुरुष एवम् वेदान्ताचार्य स्वर्गीय यूसी वशिष्ठलाई सम्झना गरेको छ। राजधानीदेखि बाहिर जिल्लाहरूमा पनि आफ्नो साहित्यिक एवम् सांस्कृतिक गतिविधिहरूलाई बढाएर लैजाने उद्देश्यका साथ साहित्य परिषद्ले प्रथमपल्ट रिनाक सरकारी महाविद्यालयमा साहित्य कला संगम एवम् उदयचन्द्र वशिष्ठ स्मृतिग्रन्थ लोकार्पण समारोह आयोजन गरेको थियो। साहित्य परिषद्का अध्यक्ष हरि ढुङ्गेलको अध्यक्षतामा सम्पन्न समारोहमा असमका साहित्यकार दुर्गादत्त गौतम मुख्य अतिथि रहेका थिए। पाकिम जिल्लाका साहित्यकारहरू र रिनाक महाविद्यालयका विद्यार्थीहरूको समागममा संस्कृत भाषाका मर्मज्ञ एवम् वेदान्ताचार्य यूसी वशिष्ठको स्मृतिमा प्रकाशित ग्रन्थको लोकार्पण गरियो। वशिष्ठ परिवारको पहलमा उक्त ग्रन्थको प्रकाशन…

श्रीमती प्रभा राई 'चिया कविता पुरस्कार 2024'ले पुरस्कृतनेपाली साहित्यमा चिया कविताले पुरस्कार वितरण नौलो प्रकारले गरेर सराहनीय कार्य गर्दैछः वसन्त लामागान्तोक,21 मई। चिया कविता पुरस्कार 2024 ले श्रीमती प्रभा राईलाई पुरस्कृत गरिएको छ। चिया कविता सिक्किमले अन्तरराष्ट्रिय चिया दिवसको अवसरमा चिया कविता पुरस्कार नगद राशी 15 हजार रूपियाँ, अङ्ग वस्त्र र प्रसस्ती पत्रको साथमा प्रदान गरिएको छ। गान्तोकको जीवन थिङ मार्गस्थित रचना बुक्समा आयोजित पुरस्कार वितरण समारोहमा सिक्किम सरकारका संस्कृति विभागका सचिव बसन्त लामा मुख्य अतिथिको रूपमा उपस्थित थिए। यसैगरि सिनेकर्मी तथा चर्चित फिल्म निर्देशक साम्तेन भोटिया विशिष्ठ अथितिको रूपनमा उपस्थित थिए। यसैगरि सिक्किम अकादमीका अध्यक्ष एसआर सुब्बा,डा शोभाकान्ति थेगिम…